¿Qué medidas adoptaría para que se facilitase o uso da bicicleta en Lugo?

Na Voz de Galicia hai un novo espazo de opinión no que se recollen suxerencias para facilitar o uso da bicicleta en Lugo.

Premede na seguinte ligazón: La Voz de Galicia

Vídeo: 1ª Masa Crítica en Lugo

A Masa Crítica en Galiza e no mundo

Na Galiza

O movemento da Masa Crítica en Galiza naceu en outubro de 2004 coa celebración da primeira masa crítica de Santiago de Compostela, un ano máis tarde comezaría a celebrarse tamén en A Coruña, Vigo e recentemente en Ourense, Ponteareas e Lugo.

Entre os obxectivos das masas críticas galegas podemos destacar:

* Divulgar e promover o uso da bicicleta como medio de transporte eficaz (barato, san, non contaminante e rápido).

* Crear condicións favorables necesarias para o uso da bici como medio de transporte.

* Promocionar e apoiar paralelamente outros medios de transporte alternativos ao coche privado, asi como promover a súa compatibilidade e complemetariedade coa bicicleta (ex. transporte público).

Celébrase unha Masa Crítica Galega de carácter anual que reúne a tod@s os ciclousuari@s galeg@s, e que pon en contacto persoalmente aos membros das distintas masas críticas galegas. Celebrouse por primeira vez en setembro do ano 2007, coincidindo coa Semana Europea da Mobilidade, logrando reunir a uns 200 participantes polas rúas de Santiago de Compostela.



No mundo

A Masa Crítica constitúe un movemento a grande escala, descentralizado e popular, polo que é diferente en cada cidade. Existe unha grande variedade de obxectivos, tamaño, interación cos condutores de automóbiles e intervención da policía.

Emporiso, o feito do escaso espazo aberto nas nosas cidades onde a xente poida relaxarse e relacionarse fora da tensión da vida diaria, a organización das cidades ao redor do automóbil, a escasez ou ausencia de infraestruturas para facilitar o uso da bicicleta como medio de transporte, etc., son cuestións que abren un camiño cara unha alternativa no futuro, e que seguramente está na mente da meirande parte dos participantes das masas críticas.

FONTE: WIKIPEDIA

Matricula a túa bici "NO OIL"

A máis rodada das campañas de sensibilización ambiental da Fundación Tierra puxo a disposición da MC lucense, e por suposto tamén á de todos os velocipedistas, un berro de modernidade ecolóxica. NO OIL é unha bicimatrícula que reflicte un compromiso de limpeza ambiental co noso mundo. Cada milímetro percorrido con propulsión biomecánica desde unha bicicleta é un xesto radical de goce contra o abuso e a queima dos combustibles fósiles e a súa porca mobilidade.

Poñede a matrícula NO OIL na vosa bici e unídevos a un berro internacional, a un berro á modernidade ecolóxica que millóns de humanos entenden só con observar a nosa matrícula.

PASA A PASO PARA MATRICULARTE "NO OIL".

1. Descarga o adhesivo NO OIL. Preme en descargar foto, que se atopa na columna da dereita. Despois copia a imaxe nun documento Word e imprímea. Fai click na imaxe de abaixo para vela máis grande.

2. Bótalle cola na parte posterior do CD rom, dos que xa non son de utilidade e pega a imaxe.

3. Observa que na imaxe hai dous puntos de cor marrón sobre a palabra.

4. Colle un obxecto punzante como poden ser unhas tesoiras.

5. Coloca un xornal sobre a mesa para que faga de base ao CD room e con coidado comeza a recortar con precisión os dous puntos de cor marrón. Para furar o CD room utiliza un trade de papel. É moi sinxelo, eu só tardei 5 minutos.

6. Plastifica o CD room con papel para forra-los libros ou lévao a unha fotocopiadora para que cho plastifiquen.

7. Fixa o CD room co sistema de fixación que elixas: corda, bridas, arame...

8. Coloca a bicimatrícula NO OIL sobre as guías traseiras do sillín da bicicleta ou no portaequipaxes fixándoa co sistema elixido e deixando unha certa folgura.

Nota: Nunca debe taparse o piloto luminoso ou os reflectores de seguridade.

9. Como é habitual, disponte a pedalear con alegría pero agora con renovada elegancia.

Que é a Masa Crítica?

A Masa Crítica é unha "coincidencia organizada" de ciclousuarios que realizan un paseo colectivo pola cidade. Este evento celébrase mensualmente en moitísimas cidades de todo o mundo, baixo o lema "Pedalea todos os días, celébrao unha vez ao mes". A masa crítica é un movemento descentralizado, actuando a proposta de calquera dos seus participantes.


Un pouco de historia:

Comezou en San Francisco (Estados Unidos) no ano 1992 a partir dunha xuntanza da SF Bike Coalition, Chris Carlsson propuxo que posto que había moita xente pedaleando polo centro e que as condicións para facelo eran realmente malas deberían quedar unha vez ao mes para ir todos xuntos. A idea aceptouse rapidamente, na primeira "quedada" xuntáronse 60 e logo dun ano eran máis de 600 e o movemento foi estendéndose a outras cidades.

O nome de Masa Crítica foi sacado do documental "Return of the scorcher" de Ted White, onde se describían as normas de cruce nas intersecións das grandes cidades chinesas onde o tráfico de coches era importante e non existían semáforos. Os velocipedistas chegaban á interseción e non podían cruzar debido ao alto tráfico, pausadamente, máis e máis ciclistas amontoábanse esperando co fin de cruzar a rúa e, cando existía un número suficiente - unha masa crítica - podían moverse todos xuntos, coa forza do seu número, para parar o tráfico mentres cruzaban a rúa.

Quen somos?

A Masa Crítica é unha "coincidencia organizada" de ciclousuarios que realizan un paseo colectivo pola cidade. Este evento celébrase mensualmente en moitísimas cidades de todo o mundo, entre elas Lugo, baixo o lema "Pedalea todos os días, celébrao unha vez ao mes". A masa crítica é un movemento descentralizado, actuando a proposta de calquera dos seus participantes. Reunímonos todos os últimos xoves do mes, ás 20:15 na Praza Maior (diante do Concello).

Entre os obxectivos da nosa Masa sobre rodas podemos destacar:

• Divulgar e promover o uso da bicicleta como medio de transporte eficaz (barato, san, non contaminante e rápido).

• Crear condicións favorables necesarias para o uso da bici como medio de transporte.

• Promocionar e apoiar paralelamente outros medios de transporte alternativos ao coche privado, asi como promover a súa compatibilidade e complemetariedade coa bicicleta (ex. transporte público).

Celébrase unha Masa Crítica Galega de carácter anual que reúne a tod@s os ciclousuari@s galeg@s, e que pon en contacto persoalmente aos membros das distintas masas críticas galegas. Celebrouse por primeira vez en setembro do ano 2007, coincidindo coa Semana Europea da Mobilidade, logrando reunir a uns 200 participantes polas rúas de Santiago de Compostela.

A MC. sempre se celebra aínda que chova, neve ou orballe

Recomendacións para circular na Masa Crítica

Que non che rouben a bicicleta!

É un feito demostrado que cando aumenta o número de ciclistas urbanos aumentan tamén os roubos de bicicletas. Para poder prevelo hai que usar antirroubos de calidade e saber como e onde amarrar as bicicletas, neste artigo abránguese dun modo máis extenso este tema: http://www.pedalibre.org/evitar_robos.htm. Hai tamén outro artigo interesante na seguinte ligazón: valenciaenbici.net

A modo de sinopse:

1. Amarrade sempre a bicicleta, polo menos unha roda e o cadro amarrado a un elemento forte (farol, sinal, banco, varanda) e a outra roda amarrada ao cadro.

2. Os de tipo cable ou espiral córtanse cunha cizalla pequena, só valen para unha roda e o asento.

3. Como mínimo un tipo de cable armado (píton) ou de tipo U.

4. Atádeas en sitios concorridos (aínda que non é ningunha garantía como podedes observar no seguinte vídeo).

No centro de New York e, ante a pasividade da xente, móstranse diferentes métodos de roubo. Con este elemento pólas rúas podes quedar sen bicicleta aínda que a metas nun búnker.

Consellos extra

Hai dous o tres detalles pouco coñecidos:

1. Tede coidado se deixades a bicicleta nun no portal dun edificio, prodúcense montóns de roubos en portais, quizabes en parte porque cremos que o portal é un sitio seguro e descoidamos as medidas de seguridade obvias.

2. Evidentemente o ideal é que a bicicleta non este na rúa, de feito é unha das razóns pólas que existen as bicicletas pregábeis.

3. Se a bicicleta ten que durmir na rúa, cómprate unha gran cadea, tipo moto e déixaa atada a un farol, ou varanda. Estas cadeas son moito máis resistentes, pero non son prácticas para levar a bicicleta polo seu peso, pero se as podedes deixar na rúa.

4. Apunta o número de serie da túa bicicleta (soe estar debaixo do cadro) e faille unha foto. Se cha rouban terás máis oportunidades de recuperar a túa amiga.

5. Se che rouban, denúnciao decontado, polo menos poñeraslle dificultades ao ladrón para que revenda a bicicleta. Nas tendas de segunda man teñen a obriga de comunicar á policía todos os artigos que compran, e se está denunciado teñen o DNI do vendedor, pero se non o denuncias nunca funcionará este mecanismo.

RETURN OF THE SCORCHER

Escolle a bici que máis che convén

Hai diferentes tipos de bicicletas, cada unha deseñada para una funcionalidade diferente. Aínda que podes utilizar tranquilamente calquera tipo de bici para circular pola cidade, sempre que estea ben equipada, busca o tipo que mellor se adapte ás tuas necesidades.

Bicicleta urbana

É a bicicleta máis cómoda para a cidade. Tamén chamada de paseo ou “city bike”.

• O manillar ten unha altura suficiente como para que o/a ciclista se atope en posición confortable e cunha boa visibilidade do entorno, factor importante na circulación por cidade.
• Para zonas planas se poden escoller sen cambio de marchas, malia que habitualmente teñen 3, 5, 6, 7 ou 12 velocidades.
• Idealmente, está equipada cun sillín de muelles ancho e confortable, uns gardalamas enteiros, un protector de cadea, timbre, alumeado fixo e un portabultos fixado ao cadro; ás veces tamén hai un cesto no manillar.

Bicicleta híbrida

É a bicicleta máis polivalente e recomendada para utilizar en cidade e fora dela.

• Son relativamente lixeiras pero seguras e resistentes.
• Serven tanto para rutas por estrada como para paseos pola cidade , e soportan sen problemas a circulación por pistas e camiños.
• Tamén teñen a avantaxe de vir equipadas con portabultos, gardalamas e luces, elementos moi útiles para pedalear pola cidade.

Bicicleta de montaña

É a “todoterreo” das bicicletas.

• Son de estrutura reforzada. Levan pratos e piñóns axeitados para salvar fortes pendentes e neumáticos adecuados para circular en terreos pouco compactos.
• Caracterízase por ter unhas rodas máis pequenas, que lle dan estabilidade, e unha suspensión e neumáticos máis anchos con moito relieve, que permite afrontar calquera tipo de terreo.

Para ir por cidade

O grosor dos neumáticos fai que pedalear polo asfalto sexa máis cansado que cunha bicicleta híbrida ou de carretera. Ademáis, non están equipadas con luces ou portabultos. Se a queres usar para circular pola cidade, pódeslle cambiar os neumáticos por outros lisos e máis finos (slicks) e poñerlle os complementos necesarios (non esquezas poñer luces e reflectantes).

Bicicleta de carreiras

É a bicicleta de velocidade.

• Son moi lixeiras e rápidas, reducindo o esforzo sobre todo nas subidas. Indicadas para ciclismo deportivo en estrada.
• Son moito menos robustas e levan neumáticos delgados, o que as fai pouco adecuadas para circular por terreos en mal estado.

Para ir por cidade

Se queres circular por cidade (as rúas normalmente teñen moitos desperfectos) con este tipo de bicicleta é máis cómodo e seguro cambiarlle os neumáticos por outros máis grosos. Ponlle, ademáis, luces e reflectantes.

Bicicleta pregable

É unha bicicleta deseñada para a cidade e para ser transportada.

• Unha vez pregada ten un tamaño moi reducido e é moi lixeira. Por elo, é ideal para distancias curtas de menos de 10 km, para combinar con outros medios de transporte e para subila a casa ou á oficina, xa que ocupa moi pouco espazo e nos aforra ter que pensar no aparcamento.
• Unha bicicleta pregable debe ser, por definición, suficientemente compacta unha vez pregada como para que non se note a sua presenza. Pero non vos centredes neste único criterio no momento de facer a elección. Mirade tamén o peso e a facilidade para pregara e despregala, xa que o tereds que facer a miúdo. Antes da compra, verificade que o método de pregado sexa sinxelo e práctico.

Consellos para circular en bici

1. A tua seguridade depende de tí. Con precaución e atención evitarás situacións perigosas.
Sé predecible. Conduce en liña recta coas mans no manillar. Sinala coas mans cando vaias xirar.

2. Prepara o itinerario que vas seguir evitando os percorridos máis perigosos.


3. Revisa a tua bici para maior seguridade: freos, dirección, rodas e luces.
Se vas facer un percorrido longo leva: bomba de inflar, parches, cámara, cable de freo e as ferramientas básicas. Todo elo pode ser necesario .
Leva tamén algún alimento enerxético para previ-la "pájara".

4. Cumple as normas de circulación, sobre todo as que impliquen un risco para a tua seguridade: STOP, ceda o paso, semáforos, etc.


5. Cando circules por zonas peonís faino a una velocidade similar á dos peóns, tendo sempre en conta a prioridade do peón.
Igualmente, ao circular pola estrada, e cando haxa peóns pola acera, préstalles atención ante unha posible irrupción na calzada.


6. Circula polo centro do teu carril, pois tes todo o dereito. Se vas moi pegado á dereita os automovilistas tenderán a ignorarte.
A tua bicicleta é un vehículo como outro calquiera, cos mesmos dereitos e obligacións que os coches.


7. Faite visible. Cando circules de noite é fundamental facerse ver por todos os medios posibles: luces, elementos reflectantes tanto na bici como no corpo, etc.


8. Pon especial coidado ao circular polo teu carril cando pases á altura dunha desviación á dereita. Moitos conductores non sinalizan a maniobra de xiro á dereita, cortándoche o paso el paso e creando situacións perigosas.


9. Non te fíes das manobras dos coches ata o último momento eten os freos a punto, sobre todo cando circules á altura deles.
Ten en conta que, desgraciadamente, malia que teñas a razón ante un accidente cun coche a bicicleta leva sempre as de perder.


11. Nas rotondas, comportate como outro vehículo máis. Se entras con medo os automovilistas botarante á dereita. Salvo que vaias usar a primeira saida á dereita, non renuncies aos carrís centrais. Malia que vaias máis lento, os coches terán que adaptar a sua velocidade á tua.

12. Pon máxima precaución en momentos de intensidade de tráfico e non te quedes entre 2 carrís. Non importa que estés nun carril á esquerda, incluso con máis motivo neses casos, permanece no centro do carril. En algunhas ocasións será preferible agardar uns metros para realizar a manobra.

FONTE: A golpe de pedal Vigo